Conocybe gigasperma Enderle & Hauskn.

Diagnosis fuente: FUNGI FIMICOLI ITALICI Francesco Doveri - A.M.B. Fondazione Centro Studi Micologici
Pileus 9-22 mm latus, 12-25 mm altus, digitaliformis, procero- campanulatus; in satis iunioribus chocolateus, in medio obscuro-brunneus usque subniger, consuete olivaceo-suffusus, in margine magis magisque clarescens, in maturis in medio praedominanter ferrugineus, claro-brunneus usque brunneoaurantiacus, in margine clarius brunneo-aurantiacus; tempeste sicca griseo-aurantiacus, clare brunneoaurantiacus usque lutulentus; hygrophanus, humide lardaceus, sicce non Jucidus, opacus, laevigatus, non rugosus, quasi  pellucide striatus. Lamellae anguste adnatae, subobesae, confertae, in statu iuvenili clare brunneae, in maturis pulchro-brunneae, ferrugineae, acie pallida, integerrima. Stipes 37-90 x 1,5-3 mm, basi inconspicue incrassato-bulbosa, primum brunneo-aurantiacus, satis uniformi-coloratus per longitudinem totam, mox clarescens ad pallido-aurantiacum; procerus, cylindraceus, longitudinaliter striatulus, de summo ad imum pilosulus; non radicans, cavus. Caro luteo-aurantiaca et ad colorem luteum vertens; odor atque sapor non insigniti.
Sporae (13) 16,5-22,3 (26) x (8) 10-12,3 (15,5) um, plus minusve pro collectione 19,4-20,1 x 10,4-11,1 um, ellipsoideo-oviformes, non lentiformiter lato-compressae, pariete 0,7-1 um crasso et poro ingenti, 2,3-3,5 uum lato +/- excentrico; in aqua luteae quam Genista, in KOH badiae cum pariete lilacino usque vinaceo. Basidia bispora, 26-35 x 11-13 um, cum sterigmatibus ingentibus, 3-6,5 um crassis et 3-9 um longis. Cheilocystidia lecythiformia, 17-24 x 7-11 um cum capitulo 3-4,5 um magno et collo longo. Pleurocystidia absentia. Cutis pilei hymeniformis et conformata ex cellulis rotundato-stipitatis, 28-43 x 17-23 um magnis et ex cystidiis hic et illic immixtis, capitatis, similibus cheilocystidiis, sed magis gracilentis, una cum capillis 2-4 um crassis, saepe collapsis. Superficies stipitis obtecta capillis usque ad 260 um longis, quasi 2 ym crassis; inter eos elementa claviformia, cylindraceo-clavata, utriformia vel rotundata et 6-35 x 4-8 um magna; infra insertionem lamellarum et — perraro — usque ad superiorem tertiam partem stipitis aliquando praesunt singularia cystidia capitulata. NH3- reactio negativa.
Habitatio: loci clari in silva, margines viarum in piceto, in locis excrementis equinis stercoratis, sed numquam ad fimum ipsum inventa: gregaria, autumno sero.

Fuente de la foto: http://www.mykologie.net/index.php/houby/podle-morfologie/lupenate/item/1585-conocybe_gigasperma